સામાન્ય રીતે લોહીનું દબાણ (હાયપરટેન્શન) અને મધુપ્રમેહ (ડાયાબિટીસ) એ ૪૦ વર્ષની ઉંમર પછી થતા રોગોમાં મુખ્ય રોગો છે. પણ આ ઉપરાંત એક અગત્યનો અન્ય રોગ પણ છે, હાડકાના ઘસારાને લીધે થતો વા, એટલે કે “ઓસ્ટિઓઆર્થાઈટિસ’. એમાં ખાસ કરીને ઢીંચણના સાંધા(જોઈન્ટ)માં હાડકાંના ઘસારાને લીધે થતો વા વિશેષ જોવા મળે છે.

ખૂબ કાર્યક્ષમ વ્યક્તિને આ જાતની વાની તકલીફ થાય છે ત્યારે ઢીંચણમાં થતા દુખાવાને કારણે તેને પોતાની પ્રવૃત્તિ ફરજિયાતપણે ઘટાડી દેવી પડે છે. આજે અનેક લોકો આ રોગથી હેરાન થાય છે.

એક્યુપંક્ચરની સારવારથી આ રોગમાં કેવા પરિણામ આવે છે?

એક્યુપંક્ચરની સારવાર આવા લોકો માટે આશાનું એક કિરણ છે. તેનાથી આ રોગમાં બહુ સારાં પરિણામો પ્રાપ્ત થયાં છે. અને એથી જ આવા રોગોમાં એક્યુપંક્ચરનો

એક સચોટ ઉપાય તરીકે ધીરે ધીરે વ્યાપક ઉપયોગ થઈ રહ્યો છે.

વિશ્વ આરોગ્ય સંસ્થાએ આપેલી માન્યતા પણ તેનું મહત્વ દર્શાવે છે.